有好多人對頌缽療癒好好奇，但又帶點怕，原因係頌缽響佢哋心中係一種西藏法器，亦唔知道療癒師會響佢哋身上攪啲乜，所以有啲緊張。頌缽係唔係法器? 咁就要睇下法器對你嘅定義。
以下揀咗三種法器嘅定義。
西藏：『西藏法器（藏傳佛教法器）是僧侶在儀式、修持或供養中使用的聖物，源自古印度佛教並融入西藏特色。常見法器包括金剛杵（象徵智慧）、金剛鈴（警悟有情）、轉經輪、念珠、法螺、嘎巴拉（頭骨碗）等，具莊嚴道場與斷除煩惱之意，種類繁多且具特殊宗教意涵』
佛教：『凡是用來莊嚴、唱誦、伴奏的樂器，如鐘鼓、鐘板、鐺鉿、魚鼓，都稱為「法器」。法器的功能主要是報時集眾、警策精進，除此之外，也是一種伎樂供養，道場的莊嚴。』
道教：『常見法器分為「儀式法器」如寶劍、令旗、令牌、帝鐘、法尺、天蓬尺，以及「打擊法器」如木魚、鐺子、手鈴、大鑠。這些工具用於通神、證盟與驅邪。 』
其實我個人認為頌缽並唔係法器，因為我嘅定義係用來做法事通鬼神嘅，先係法器。響西藏黎講喇嘛頂多係用佢黎做冥想，唔係用黎招靈，而且西藏係唔興用頌缽黎做療癒。不過，假如認為僧侶用嚟令自己進入冥想狀態，或集中精神既野，就係法器，咁樣，一條蠟燭都係法器。
頌缽之所以會成為療癒既工具，係幾十年前有西方人去喜馬拉雅山一帶，發現佢哋用黎保存食物既碗，竟然有咁大既療癒作用，先至發展出頌缽療癒。生産頌缽同提供教學、療癒既國家主要係尼泊爾，其次係印度。
頌缽既震頻同泛音，可以物理性地快速令腦波降低，做到放鬆效果，個人會立刻靜落黎，只要有一刻靜落嚟，人停止將能量供給恐懼，就有機會截斷呢個不良既無限loop。
人之所以有病，大部份原因係情緒影響，情緒造成能量阻塞，病痛就出現，而身體吸收震頻，可以將情緒積聚響身體既阻塞打通，有啲療癒師甚至係對準穴位打落去，當針灸咁用。下次再講乜嘢部位有阻塞會導致乜病。