·
“負能量”呢三個字，響身心靈界出現既頻率睇怕係最高既。好多初接觸或完全無接觸既人，對“療癒”呢件事既理解就係同佢“去除負能量”。感覺上係搵療癒師同佢洗洗刷刷就輕鬆了事。
覺得自己成身負能量，影響運程愛情家庭財運健康，甚至認爲自己啲負能量濃到行埋其他人身邊，會影響其他人令其黑仔。覺得只要清曬啲負能量就會有覺好訓好輕鬆，身體健康財源滾滾來。
某程度上可能啱，但非常大程度上係錯重點。除非係比鬼呀魔呀纏繞，最大既所謂負能量係來自自己未攪掂既創傷，唔肯面對自己而單單去清負能量其實幫唔到啲乜，困惑同恐懼仍然響你內心深處。
無錯有陣時前世帶落黎既創傷搵療癒師攪係有效率啲，同埋可以提醒係邊方面出左問題，但係令自己既思想行為更有覺察，令自己更進步更自由，係更重要。
比如話黎地球既課題係要學習乜野係愛，咁首先一定要缺愛，唔缺又點知個差别響邊？點360度切身感受愛？令你又喊又笑？
缺愛之下覺得成身負能量，搵人清左，係可以令自己比較清醒啲去作出改變，更易覺察，但唔改的話，其實對自己既成長都係無乜幫助，真正既療癒，唔係搏老命燒聖木鼠尾草果一刻，而係發生響你願意對自己既生命負全責果一刻。