·
近年身心靈呢個“行業”響香港“興起”,似乎有五花百門既教學同療癒方法，比人去選擇，甚至有朋友同我講，好似入左個身心靈Shopping mall咁～樣樣都想試唔知揀邊樣好～
佢講呢啲說話既時候，係好興奮，但感覺係對未聽過既療法感興趣，同埋著重於唔同既療癒師同療法點樣幫到自己。
咁當然搵療癒師係想幫到自己，但假如用一個消費買開心既心態去做療癒，又或將療癒呢件事全權交比其他人，療癒效果唔會太大。
點解咁講呢？（對我黎講）去做療癒，係令自己敢於面對自己既光明面同黑暗面，覺察自己既行為，放低所有自己加諸於自己既束縛，變得越黎越有力量，越來越自由，能夠好好做返自己，明白自己好強大，無所畏懼。
假如用消費既心態去買療癒，將個責任完全交比療癒師，就算內裏既情緒、記憶、開心同痛苦既感覺點樣翻滾，都好似唔關自己事、唔肯承認、又或者搵個位放埋一邊，咁樣既話人生好難有改變。
過得一排又覺得自己好負呀
，要倒下垃圾，不斷搵療癒師，搵唔同既療法，周而復此。無錯療癒師係一定對你有幫助，但最能夠幫到你既，肯定係你自己，你並唔係自己既局外人。
#靈魂