2025年6月14日
另類療法，同傳統醫學好唔同。睇中醫又同睇西醫好唔同。好多人睇中醫，但接受唔到明明係腳有事但中醫攪佢個內臟，明明係心臟唔舒服，個中醫叫佢練背肌。比起練背肌，啲人可能覺得西醫叫佢做心臟手術更加易接受。
好多人睇過好多醫生，覺得走投無路（ 對唔住，我真係要用呢個詞，因為呢個詞好寫實 ）,佢地會去試另類療法。假如係搵到療癒師做能量療癒，個療癒師同佢講，你既療癒有幾成功，係同你想好返既決心有幾強，有直接關係。好多無接觸過身心靈既人係會呆左，重難接受過中醫叫佢練肌肉。
好多另類療法既療癒師相信，所有疾病既成因係堵塞既情緒，今世或他世都好，只要清除導致果個情緒既原因，人就會好返。假如一個人唔願意傾盡全力，覺察、面對同放低，唔願意對自己既生命負全責，認為要負責既係對佢唔好既人，要負責既係醫生或療癒師，總之唔係佢自己，咁樣的話，療癒效果同佢決心係成正比。
一個人願意邁出一步，去接觸一啲陌生既方法，係一件好難得既事，係代表想進一步去幫助自己，唔想就咁放棄，既然都辛苦左咁耐，就試下用尋找內在既方式，放下痛苦。
好多人孭左好多唔屬於自己既責任，感受左唔屬於自己既感受，強迫自己過一個完全唔襯自己既人生，迫自己成功迫自己開心。攬住一個被害者既信念唔放，或者只望光明面唔承認自己陰暗面，任何既抗拒心，都只會令自己難受。
記得數年前，靈氣老師講左句：“療癒效果要睇你同自己既關係有幾深”，我R頭。頌缽老師於抽奧修禪牌後講左句：“唔需要揸緊拳頭防衞所有人”，我又R頭。對於當年R頭既說話，而家我已明白係點解。希望黎做療癒既朋友仔，聽完我講果啲R頭野，某年某日，你都明白個意思。